یاد روزے کہ نفس سلسلۂ یارب تھا

یاد روزے کہ نفس سلسلۂ یارب تھا

نالۂ دل بہ کمر دامن قطع شب تھا

بہ تحیر کدۂ فرصت آرایش وصل

دل شب آئینہ دار تپش کوکب تھا

بہ تمنا کدۂ حسرت ذوق دیدار

دیدہ گو خوں ہو تماشائے چمن مطلب تھا

جوہر فکر پر افشانی نیرنگ خیال

حسن آئینہ و آئینہ چمن مشرب تھا

پردۂ درد دل آئینہ صد رنگ نشاط

بخیۂ زخم جگر خندۂ زیر لب تھا

نالہ ہا حاصل اندیشہ کہ جوں کشت سپند

دل ناسوختہ آتش کدۂ صد تب تھا

عشق میں ہم نے ہی ابرام سے پرہیز کیا

ورنہ جو چاہیے اسباب تمنا سب تھا

آخر کار گرفتار سر زلف ہوا

دل دیوانہ کہ دارستۂ ہر مذہب تھا

شوق سامان فضولی ہے وگرنہ غالب

اسدؔ افسردگی آوارۂ کفر و دیں ہے

یاد روزے کہ نفس در گرہ یارب تھا