ہے ترحم آفریں آرایش بیداد یاں

ہے ترحم آفریں آرایش بیداد یاں

اشک چشم دام ہے ہر دانۂ صیاد یاں

ہے گداز موم انداز چکیدن ہاے خوں

نیش زنبور عسل ہے نشتر فصاد یاں

ناگوارا ہے ہمیں احسان صاحب دولتاں

ہے زر گل بھی نظر میں جوہر فولاد یاں

جنبش دل سے ہوے ہیں عقدہ ہاے کار وا

کمتریں مزدور سنگیں دست ہے فرہاد یاں

دل لگا کر لگ گیا ان کو بھی تنہا بیٹھنا

بارے اپنی بیکسی کی ہم نے پائی داد یاں

مہر گردوں ہے چراغ رہ گزار باد یاں

قطرہ ہاے خون بسمل زیب داماں ہیں اسدؔ

ہے تماشا کردنی گل چینی جلاد یاں