ہوئی ہے بس کہ صرف مشق تمکین بہار آتش
ہوئی ہے بس کہ صرف مشق تمکین بہار آتش
بہ انداز حنا ہے رونق دست چنار آتش
گڈز موم ہے افسون ربط پیکر آرائی
نکالے کب نہال شمع بے تخم شرار آتش
نہ لبوے گر خس جوہر طراوت سبزۂ خط سے
لگاوے خانۂ آئینہ میں روے نگار آتش
فروغ حسن سے ہوتی ہے حل مشکل عاشق
نہ نکلے شمع کے پاسے نکالے گر نہ خار آتش
خیال دود تھا سر جوش سوداے غلط فہمی
اگر رکھتی نہ خاکستر نشینی کا غبار آتش
ہواے پر فشانی برق خرمن ہاے خاطر ہے
بہ بال شعلۂ بے تاب ہے پروانہ زار آتش
نہیں برق و شرر جز وحشت و ضبط تپیدن ہا
بلا گردان بے پروا خرامی ہاے یار آتش
دھویں سے آگ کے اک ابر دریا بار ہو پیدا
اسدؔ حیدر پرستوں سے اگر ہووے دوچار آتش