ہو گئی ہے غیر کی شیریں بیانی کارگر

ہو گئی ہے غیر کی شیریں بیانی کارگر

عشق كا اس کو گماں ہم بے زبانوں پر نہیں

ضبط سے مطلب بہ جز وارستگی دیگر نہیں

دامن تمثال آب آئنہ سے تر نہیں

ہے وطن سے باہر اہل دل کی قدر و منزلت

عزلت آباد صدف میں قیمت گوہر نہیں

باعث ایذا ہے برہم خوردن بزم سرور

لخت لخت شیشۂ بشکستہ جز نشتر نہیں

واں سیاہی مردمک ہے اور یاں داغ شراب

مہ حریف نازش ہم چشمیٔ ساغر نہیں

ہے فلک بالا نشین فیض خم گر دیدنی

عاجزی سے ظاہراً رتبہ کوئی برتر نہیں

یاں صریر خامہ غیر از اصطکاک در نہیں

کب تلک پھیرے اسدؔ لب ہائے تفتہ پر زباں

طاقت لب تشنگی اے ساقیٔ کوثر نہیں