گریہ سرشاری شوق بہ بیاباں زدہ ہے

قطرۂ خون جگر چشمک طوفاں زدہ ہے

گریہ بے لذت کاوش نہ کرے جرأت شوق

قطرۂ اشک دل بر صف مژگاں زدہ ہے

بے تماشا نہیں جمعیت چشم بسمل

مژہ فال دو جہاں خواب پریشاں زدہ ہے

فرصت آئینہ و پرواز عدم تا ہستی

یک شرر بال دل و دیدہ چراغاں زدہ ہے

نقش رنگینئ سعی قلم مانی ہے

بکمر دامن صد رنگ گلستاں زدہ ہے

درس نیرنگ ہے کس موج نگہ کا یارب

غنچہ صد آئنہ زانوے گلستاں زدہ ہے

ساز وحشت رقمی ہا کہ باظہار اسدؔ

دشت و ریگ آئنۂ صفحۂ افشاں زدہ ہے