گرچہ ہے یک بیضۂ طاؤس آسا تنگ دل

گرچہ ہے یک بیضۂ طاؤس آسا تنگ دل

ہے چمن سرمایۂ بالیدن صد رنگ دل

بے دلوں سے ہے تپش جوں خواہش آب از سراب

ہے شرر موہوم اگر رکھتا نہ ہووے سنگ دل

رشتۂ فہمید ممسک ہے بہ بند کو تہی

عقدہ ساں ہے کیسۂ زر پر خیال تنگ دل

ہوں زپا افتادۂ انداز یاد حسن سبز

کس قدر ہے نشہ فرساے خمار بنگ دل

کھینچتا ہے آج نالے خارج از آہنگ دل

اے اسدؔ خامش ہے طوطی شکر گفتار طبع

ظاہرا رکھتا ہے آئینۂ اسیر زنگ دل