گداے طاقت تقریر ہے زباں تجھ سے

گداے طاقت تقریر ہے زباں تجھ سے

کہ خامشی کو ہے پیرایۂ بیاں تجھ سے

فسردگی میں ہے فریاد بے دلاں تجھ سے

چراغ صبح و گل موسم خزاں تجھ سے

بہار حیرت نظارہ سخت جانی ہے

حناے پاے اجل خون کشتگاں تجھ سے

پری بہ شیشہ و عکس رخ اندر آئینہ

نگاہ حیرت مشاطہ خوں فشاں تجھ سے

طراوت سحر ایجادی اثر یک سو

بہار نالہ و رنگینی فغاں تجھ سے

چمن چمن گل آئینہ درکنار ہوس

امید محو تماشاے گلستاں تجھ سے

نیاز پردۂ اظہار خود پرستی ہے

بہانہ جوئی رحمت کمیں گر تقریب

وفاے حوصلہ و رنج امتحاں تجھ سے

اسدؔ طلسم قفس میں رہے قیامت ہے

خرام تجھ سے صبا تجھ سے گلستاں تجھ سے