کوشش ہمہ بے تاب تردد شکنی ہے

کوشش ہمہ بے تاب تردد شکنی ہے

صد جنبش دل یک مژہ برہم زدنی ہے

گو حوصلہ پا مرد تغافل نہیں لیکن

خاموشی عاشق گلۂ کم سخنی ہے

دی لطف ہوا نے بہ جنوں طرفہ نزاکت

تا آبلہ دعواے تنک پیرہنی ہے

عیش ابد از خویش بروں تا ختنی ہے

از بس کہ ہے محو بہ چمن تکیہ زدن ہا

گل برگ پر بالش سروچمنی ہے

آئینہ و شانہ ہمہ دست و ہمہ زانو

اے حسن مگر حسرت پیماں شکنی ہے

فریاد اسدؔ بے نگہی ہاے بتاں سے

سچ کہتے ہیں واللہ کہ اللہ غنی ہے