کلفت ربط این و آں غفلت مدعا سمجھ

کلفت ربط این و آں غفلت مدعا سمجھ

شوق کرے جو سر گراں محمل خواب پا سمجھ

جلوہ نہیں ہے درد سر آئنہ صندلی نہ کر

عکس کجا و کو نظر نقش کو مدعا سمجھ

حیرت اگر خرام ہے کار نگہ تمام ہے

ہے خط عجز ماوتو اول درس آرزو

ہے یہ سیاق گفتگو کچھ نہ سمجھ فنا سمجھ

شیشہ شکست اعتبار رنگ بگروش استوار

گر نہ مٹیں یہ کوہسار آپ کو تو صدا سمجھ

نغمہ ہے محو ساز رہ نشہ ہے بے نیاز رہ

رند تمام ناز رہ خلق کو پارسا سمجھ

چربی پہلوے خیال رزق دوعالم احتمال

کل ہے جو وعدۂ وصال آج بھی اے خدا سمجھ

نے سرد برگ آرزو نے رہ و رسم گفتگو

اے دل و جان خلق تو ہم کو آشنا سمجھ

لغزش پا کو ہے بلد نغمۂ یا علی مدد

ٹوٹے گر آئنہ اسدؔ سبحہ کو خوں بہا سمجھ