کرے گر حیرت نظارہ طوفاں نکتہ گوئی کا
کرے گر حیرت نظارہ طوفاں نکتہ گوئی کا
حباب چشمۂ آئینہ ہووے بیضہ طوطی کا
بروے قیس دست شرم ہے مژگان آہو سے
مگر روز عروسی گم ہوا تھا شانہ لیلیٰ کا
فسان تیغ نازک قاتلاں سنگ جراحت ہے
دل گرم تپش قاصد ہے پیغام تسلی کا
نہیں گرداب جز سرگشتگی ہاے طلب ہرگز
حباب بحر کے ہے آبلوں میں خار ماہی کا
نیاز جلوہ ریزی طاقت بالیں شکستن ہا
تکلف کو خیال آیا ہو گر بیمار پرسی کا
نہ بخشی فرصت یک شبنمستاں جلوۂ خور نے
تصور نے کیا ساماں ہزار آئینہ بندی کا
اسدؔ تاثیر صافی ہاے حیرت جلوہ پرور ہو
گر آب چشمۂ آئینہ دھووے عکس زنگی کا