کاوش دزدحنا پوشیدہ افسوں ہے مجھے

کاوش دزدحنا پوشیدہ افسوں ہے مجھے

ناخن انگشت خوباں نعل واژوں ہے مجھے

ریشۂ شہرت دوانیدن ہے رفتن زیر خاک

خنجر جلاد برگ بید مجنوں ہے مجھے

ساقیا دے ایک ہی ساغر میں سب کو مے کہ آج

آرزوے بوسۂ لب ہاے مے گوں ہے مجھے

ہو گئے باہم دگر جوش پریشانی سے جمع

دیکھ لی جوش جوانی کی ترقی بھی کہ اب

بدر کے مانند کاہش روز افزوں ہے مجھے

غنچگی ہے بر نفس پیچیدن فکر اے اسدؔ

وا شگفتن ہاے دل در رہن مضموں ہے مجھے