چار سوے عشق میں صاحب دکانی مفت ہے

چار سوے عشق میں صاحب دکانی مفت ہے

نقد ہے داغ دل اور آتش زبانی مفت ہے

زخم دل پر باندھیے حلواے مغز استخواں

تندرستی فائدہ اور ناتوانی مفت ہے

یعنی اے پیر فلک شام جوانی مفت ہے

گر نہیں پاتا درون خانہ ہر بے گانہ جا

برور نکشودۂ دل پاسبانی مفت ہے

چونکہ بالاے ہوس پر ہر قبا کوتاہ ہے

بر ہوس ہاے جہاں دامن فشانی مفت ہے

یک نفس ہر یک نفس جاتا ہے قسط عمر میں

حیف ہے ان کو جو سمجھیں زندگانی مفت ہے

مال و جاہ و دست و پا بے زر خریدہ ہیں اسدؔ

پس بہ دل ہاے و گر راحت رسانی مفت ہے