منت کشی میں حوصلہ بے اختیار ہے

منت کشی میں حوصلہ بے اختیار ہے

دامان صد کفن تہ سنگ مزار ہے

کس کا سراغ جلوہ ہے حیرت کو اے خدا

آئینہ فرش شش جہت انتظار ہے

عبرت طلب ہے حل معماے آگہی

شبنم گداز آئنۂ اعتبار ہے

ہے ذرہ ذرہ تنگی جا سے غبار شوق

گر دام یہ ہے وسعت صحرا شکار ہے

دل مدعی و دیدہ بنا مدعَی علیہ

نظارے کا مقدمہ پھر رو بکار ہے

چھڑکے ہے شبنم آئنۂ برگ گل پہ آب

اے عندلیب وقت وداع بہار ہے

خجلت کش وفا کو شکایت نہ چاہیے

اے مدعی طلسم عرق بے غبار ہے

وہ آے یا نہ آے پہ یاں انتظار ہے

کیفیت ہجوم تمنا رسا اسدؔ

خمیازہ ساغر مے رنج خمار ہے