غم و عشرت قدم بوس دل تسلیم آئیں ہے

غم و عشرت قدم بوس دل تسلیم آئیں ہے

دعاے مدعا گم کردگاں لبریز آمیں ہے

تماشا ہے کہ ناموس وفا رسواے آئیں ہے

نفس تیری گلی میں خوں ہو اور بازار رنگیں ہے

لب عیسی کی جنبش کرتی ہے گہوارہ جنبانی

قیامت کشتۂ لعل بتاں کا خواب سنگیں ہے

ہمارا دیکھنا گر ننگ ہے سیر گلستاں کر

شرار آہ سے موج صبا دامان گلچیں ہے

پیام تعزیت پیدا ہے انداز عیادت سے

شب ماتم تہ دامان دود شمع بالیں ہے

زبس جز حسن منت ناگوارا ہے طبیعت پر

کشاد عقد محو ناخن دست نگاریں ہے

نہیں ہے سر نوشت عشق غیر از بے دماغی ہا

بہار باغ پامال خرام جلوہ فرمایاں

حنا سے دست و خون کشتگاں سے تیغ رنگیں ہے

بیابان فنا ہے بعد صحراے طلب غالبؔ

پسینہ تو سن ہمت کا سیل خانۂ زیں ہے