ضمان جادہ رویاندن ہے خط جام مے نوشاں
ضمان جادہ رویاندن ہے خط جام مے نوشاں
دگر نہ منزل حیرت سے کیا واقف ہیں مدہوشاں
نہیں ہے ضبط جز مشاطگی ہاے غم آرائی
کہ میل سرمہ چشم داغ میں ہے آہ خاموشاں
بہ ہنگام تصور ساغر زانو سے پیتا ہوں
مئے کیفیت خمیازہ ہاے صبح آغوشاں
نشان روشنی دل نہاں ہے تیرہ بختوں کا
نہیں محسوس دود مشعل بزم سیہ پوشاں
پریشانی اسدؔ در پردہ ہے سامان جمعیّت
کہ ہے آبادی صحرا ہجوم خانہ بردوشاں