صد جلوہ رو بہ رو ہے جو مژگاں اٹھائیے
صد جلوہ رو بہ رو ہے جو مژگاں اٹھائیے
طاقت کہاں کہ دید کا احساں اٹھائیے
ہے سنگ پر برات معاش جنون عشق
یعنی ہنوز منت طفلاں اٹھائیے
دیوار بار منت مزدر سے ہے خم
اے خانماں خراب نہ احساں اٹھائیے
یا میرے زخم رشک کو رسوا نہ کیجیے
یا پردۂ تبسم پنہاں اٹھائیے
دل ہی نہیں کہ منت درباں اٹھائیے
کس کو وفا کا سلسلہ جنباں اٹھائیے
تا چند داغ بیٹھیے نقصاں اٹھائیے
اب چار سوئے عشق سے دوکاں اٹھائیے
ہستی فریب نامۂ موج سراب ہے
یک عمر ناز شوخی عنواں اٹھائیے
ضبط جنوں سے ہر سر مو ہے ترانہ خیز
یک نالہ بیٹھیے تو نیستاں اٹھائیے
طرز خراش نالہ سرشک نمک اثر
لطف کرم بدولت مہماں اٹھائیے
انگور سعی بے سر و پائی سے سبز ہے
غالبؔ بہ دوش دل خم مستاں اٹھائیے