شوخی مضراب جولاں آبیار نغمہ ہے

شوخی مضراب جولاں آبیار نغمہ ہے

برگ ریز ناخن مطرب بہار نغمہ ہے

کس سے اے غفلت تجھے تعبیر آگاہی ملے

گوش ہا سیمابی و دل بے قرار نغمہ ہے

ساز عیش بے دلی ہے خانہ ویرانی مجھے

سیل یاں کوک صداے آبشار نغمہ ہے

سنبلی خواں ہے بذوق تار گیسوے دراز

نالۂ زنجیر مجنوں رشتہ دار نغمہ ہے

نشہ ہا شاداب رنگ و ساز ہا مست طرب

شیشۂ مے سرو سبز جویبار نغمہ ہے

ہم نشیں مت کہ کہ برہم کر نہ بزم عیش دوست

واں تو میرے نالے کو بھی اعتبار نغمہ ہے

غفلت استعداد ذوق و مدعا غافل اسدؔ

شوخی فریاد سے ہے پدۂ زنبور گل

کسوت ایجاد بلبل خار خار نغمہ ہے