سرمۂ مفت نظر ہوں مری قیمت یہ ہے

سرمۂ مفت نظر ہوں مری قیمت یہ ہے

کہ رہے چشم خریدار پہ احساں میرا

رخصت نالہ مجھے دے کہ مبادا ظالم

تیرے چہرے سے ہو ظاہر غم پنہاں میرا

خلوت آبلۂ پا میں ہے جولاں میرا

خوں ہے دل تنگی وحشت سے بیاباں میرا

ذوق سرشار سے بے پردہ ہے طوفاں میرا

موج خمیازہ ہے ہر زخم نمایاں میرا

عیش بازی کدۂ حسرت جاوید رسا

خون آدینہ سے رنگیں ہے دبستاں میرا

حسرت نشۂ وحشت نہ بہ سعیٔ دل ہے

عرض خمیازۂ مجنوں ہے گریباں میرا

عالم بے سر و سامانیٔ فرصت مت پوچھ

لنگر وحشت مجنوں ہے بیاباں میرا

بے دماغ تپش رشک ہوں اے جلوۂ حسن

فہم زنجیریٔ بے ربطیٔ دل ہے یارب

کس زباں میں ہے لقب خواب پریشاں میرا

بہ ہوس درد سر اہل سلامت تا چند

مشکل عشق ہوں مطلب نہیں آساں میرا

بوئے یوسف مجھے گلزار سے آتی تھی اسدؔ

دے نے برباد کیا پیرہنستاں میرا