رفتار سے شیرازۂ اجزاے قدم باندھ
رفتار سے شیرازۂ اجزاے قدم باندھ
اے آبلے مجمل پئے صحراے عدم باندھ
بیکاری تسلیم بہر رنگ چمن ہے
گر خاک ہو گلدستۂ صد نقش قدم باندھ
اے جادہ بسر رشتۂ یک ریشہ دویدن
شیرازۂ صد آبلہ جوں سبحہ بہم باندھ
حیرت حد اقلیم تمناے پری ہے
آئینے پہ آئین گلستان ارم باندھ
پامردیک انداز نہیں قامت ہستی
طاقت اگر اعجاز کرے تہمت خم باندھ
دیباچۂ وحشت ہے اسدؔ شکوۂ خوباں
خوں کر دل اندیشہ و مضمون ستم باندھ