خواب جمعیت مخمل ہے پریشاں مجھ سے

خواب جمعیت مخمل ہے پریشاں مجھ سے

رگ بستر کو ملی شوخی مژگاں مجھ سے

غم عشاق نہ ہو سادگی آموز بتاں

کس قدر خانۂ آئینہ ہے ویراں مجھ سے

کنج تاریک و کمیں گیری اختر شمری

عینک چشم بنا روزن زنداں مجھ سے

بستن عہد محبت ہمہ نادانی تھا

چشم نکشودہ رہا عقدۂ پیماں مجھ سے

آتش افروزی یک شعلۂ ایما تجھ سے

چشمک آرائی صد شہر چراغاں مجھ سے

کاش ہو قدرت برچیدن داماں مجھ سے

اے تسلی ہوس وعدہ فریب افسوں ہے

ورنہ کیا ہو نہ سکے نالہ بساماں مجھ سے