تغافل مشربی سے ناتمامی بس کہ پیدا ہے

تغافل مشربی سے ناتمامی بس کہ پیدا ہے

نگاہ ناز چشم یار میں زنار مینا ہے

تصرف وحشیوں میں ہے تصور ہاے مجنوں کا

سواد چشم آہو عکس خال روے لیلا ہے

محبت طرز پیوند نہال دوستی جانے

دویدن ریشہ ساں مفت رگ خواب زلیخا ہے

کیا یکسر گداز دل نیاز جوشش حسرت

سویدا نسخۂ تہ بندی داغ تمنا ہے

ہجوم ریزش خوں کے سبب رنگ اڑ نہیں سکتا

اسدؔ گر نام دالاے علی تعویذ بازو ہو

غریق بحر خوں تمثال در آئینہ رہتا ہے