بہ غفلت عطر گل ہم آگہی مخمور ملتے ہیں

بہ غفلت عطر گل ہم آگہی مخمور ملتے ہیں

چراغان تماشا چشم صد ناسور ملتے ہیں

رہا کس جرم سے میں بیقرار داغ ہم طرحی

سمندر کو پر پروانہ سے کافور ملتے ہیں

چمن نا محرم آگاہی دیدار خوباں ہے

سحر گل ہاے نرگس چند چشم کور ملتے ہیں

کجا جوہر چہ عکس خط بتاں وقت خود آرائی

دل آئینہ زیر پاے خیل مور ملتے ہیں

تماشا ئے بہار آئینہ پرداز تسلی ہے

کف گل برگ سے پاے دل رنجور ملتے ہیں

گراں جانی سبک ساز و تماشا بے دماغ آیا

اسدؔ حسرت کش یک داغ مشک انددوہ ہے یا رب

لباس شمع پر عطر شب دیجور ملتے ہیں