بہ بزم مے پرستی حسرت تکلیف بے جا ہے

بہ بزم مے پرستی حسرت تکلیف بے جا ہے

کہ جام بادہ کف بر لب بتقریب تقاضا ہے

مری ہستی فضاے حیرت آباد تمنا ہے

جسے کہتے ہیں نالہ وہ اسی عالم کا عنقا ہے

دلائی شوخی اندیشہ تاب رنج نومیدی

نشاط دیدہ بینا ہے کو خواب و چہ بیداری

بہم آوردہ مژگاں روے بر روے تماشا ہے

نہ سووے آبلوں میں گر سر شک دیدۂ نم سے

بجولاں گاہ نومیدی نگاہ عاجزاں پا ہے

وفاے دلبراں ہے اتفاقی ورنہ اے ہمدم

اثر فریاد دل ہاے حزیں کا کس نے دیکھا ہے

نگہ معمار حسرت ہا چہ آبادی چہ ویرانی

کہ مژگاں جس طرف وا ہو بکف دامان صحرا ہے

بہ سختی ہاے قید زندگی معلوم آزادی

شرر بھی صید دام رشتۂ رگ ہاے خارا ہے

خزاں کیا فصل گل کہتے ہیں کس کو کوئی موسم ہو

وہی ہم ہیں قفس ہے اور ماتم بال و پر کا ہے

اسدؔ پاس تمنا سے نہ رکھ امید آزادی

گداز ہر تمنا آبیار صد تمنا ہے