بس کہ چشم از انتظار خوش خطاں بے نور ہے

بس کہ چشم از انتظار خوش خطاں بے نور ہے

یک قلم شاخ گل نرگس عصاے کور ہے

بزم خوباں بس کہ جوش جلوہ سے پر نور ہے

پشت دست عجزیاں ہر برگ نخل طور ہے

ہوں تصور ہاے ہمدوشی سے بدمست شراب

حیرت آغوش خوباں ساغر بلور ہے

ہے عجب مردوں کو غفلت ہاے اہل دہر سے

سبزہ جوں انگشت حیرت دردہان گور ہے

حسرت آباد جہاں میں ہے الم غم آفریں

نوحہ گویا خانہ زاد نالۂ رنجور ہے

کیا کروں غم ہاے پنہاں لے گئے صبر و قرار

دزدگر ہو خانگی تو پاسباں معذور ہے

بے سخن تبخالۂ لب دانۂ انگور ہے

جس جگہ ہو مسند آرا جانشین مصطفی

اس جگہ تخت سلیماں نقش پاے مور ہے

واں سے ہے تکلیف عرض بیدماغی اور اسدؔ

یاں صریر خامہ مجھ کو نالۂ رنجور ہے