ازاں جا کہ حسرت کش یار ہیں ہم
ازاں جا کہ حسرت کش یار ہیں ہم
رقیب تمناے دیدار ہیں ہم
رمیدن گل باغ واماندگی ہے
عبث محمل آراے رفتار ہیں ہم
نفس ہو نہ معزول شعلہ در و دن
کہ ضبط تپش سے شرر کار ہیں ہم
تغافل کمیں گاہ وحشت شناسی
نگہبان دل ہاے اغیار ہیں ہم
تماشاے گلشن تمناے چیدن
بہار آفرینا گنہ گار ہیں ہم
نہ ذوق گریباں نہ پرواے داماں
نگہ آشناے گل و خار ہیں ہم
اسدؔ شکوہ کفر و دعا ناسپاسی
ہجوم تمنا سے لاچار ہیں ہم